Month: February 2005

My 2005 year calender…nude is kool, haha~

終於都睇到呢套Oscar得獎動畫，真係好正，點諗到依家既電腦動畫會靚到咁既地步，比起以前<夢城兔福星>、<Space Jam>等等，真係進步得大快，跟住<Toys Story>、<A Bug’s Life>、<Monsters, Inc.>、<Shrek>、<Final Fantasy: The Spirits Within>唔好理邊間公司，大家都「要嬴人先要嬴自己」。如果大家有留意，<The Incredibles>入面既texture做得好逼真，樹林、水、沙石、冰雪、濕頭髮等等。 **好鍾意葛生幫個位靚女配音，同講解斗蓬既壞處。

kool﹐Charlie Kurfman既《Eternal Sunshine of the Spotless Mind(無痛失戀)》得獎~反而大熱既《The Aviator(娛樂大亨)》就得四個獎﹐唔知星爺係香港會唔會大熱倒灶呢﹖ 最佳電影 – 《擊情》Million Dollar Baby 最佳導演 – 奇連伊士活Clint Eastwood《擊情》Million Dollar Baby 最佳男主角… more →

ks stencil @ central.

here just post some fotos i taken yesterday, but em not go to all studio…so i just foto at my… more →

added a flash cat program at the side bar, now i feed a cat at home and feed a cat… more →

在新聞組見到呢張圖﹐不知期數亦不知年份﹐只看到標題 ——「老土」。我屋企都有幾本老夫子﹐期數唔多但裡面都有相同既故事﹐有時都覺得幾唔抵﹐不過無­計﹐有時裡面既故仔都幾到幾搞笑﹐記得早幾年徐克都拍過一套真人加CG既「老夫子」﹐自覺不堪入目。現今眾多美少女至愛既「V字」手勢﹐原來老夫子同大蕃薯都有解構過﹐如有興趣請參考以上圖片﹐可能您會發現「潮流」係上一輩既定義係咩﹗

play hard,wor.ks.1.ow!

hong kong stencil collection.@ Yumla bar, Central

LEFT to RIGHT : ks, start from zero, katolget your “post” high.

通常漫畫改編既我大部份都會捧場，呢套都唔例外，由DC Comic既<Hellblazer>改編，雖然我未睇過原著，但入場之前硬係覺得呢套會應該幾吸引幾好睇，點知… 一開場，一位型佬版既驅魔人，之後就係一浪接一浪既食煙鏡頭，故事都幾好睇，可能係鏡頭上特技既搭夠，但係入面牽涉到神學、宗教問題，未完全了解。但係有幾個位KEANU REEVES好似拍<Matrix>咁，成套戲基本上係佢由頭帶到尾，無配角一樣，唯一令到成套戲失色既就係佢隻中指。 康斯旦丁：「吸煙危害健康。」 另外之前既<The Incredibles>都仲未有時候睇，但佢既元祖卡通<Fantastic Four>2005年就會上畫，希望可以見到Dr.Doom，正！

ks and c#,foto by c#

Dear All, The t shirts are out and we are selling them at $100 HKD Please reply to this message… more →

LEFT to RIGHT : katol, ks, otoss, start from zero, fusion hong kong writers’ hotline, call us n’ make beautiful… more →

一日去了三個gallery，但沒有甚大既收穫。1)藝穗會；一個神學畫展“WRITTEN THEOLOGY”，本身對宗教畫無太深認識，只係行過順便入去逛一逛。2)Anges b.’s gallery；“TRAUMAVISION”，一位法國恐怖大師Pierre la Police，上層大不過A4 size的真跡有很多，下層亦只有差不多十張color copy同播放一些很lo-fi的恐怖電影，未覺恐怖但很好笑，雖然看起來好笑，但呢幾種lo-fi的技術都源用至今。看完這個exhibition總令我覺得「天下文章」，又令我想起另一位恐怖見稱的漫畫大師?圖雄一。3)FABRICA FEATURES HONG KONG；“LIVE IN A BOX”，雷聲大雨點小，很失望。完。

經過辰衝，因為之前TASCHEN有本Keith Haring既新書未買，所以順便入去打陣書釘，咁就可以「磨」成粒鐘。講番本書，比起係買「第一頁」平成四十大元，呢個series既書買埋今日呢本，而家總共有八本係屋企，雖然未必睇得晒，但當係keep番相既reference都抵。 話就話K.Haring係我一個好鍾意既artist，但係佢既書都係第二次買，因為其他真係好貴，鍾意K.Haring真係說來話長，要由中一、二開始講起，所以呢度費事打咁多字。真係又會咁橋，原來K.Haring係1990年2月16日病逝。 之前係學校我都有一set用K.Haring做reference既功課，有興趣可到相簿瀏覽。 “My contribution to the world is my ability to draw. I will draw as much as… more →

watch out, more “my little spokesman” will be coming soon…now check some fotos in my album first!

因放假前我們A&D部門已經同marketing部門的同事約好今天回來處理部份工作﹐但實則只是回來看看e-mail(工事以及非工事)﹐收拾一下檯上同房間的雜物(私人以及非私人)﹐同埋「吹水」就係今日主要既工作。但唔知點解今日連MIS，Admin既同事都有返工，不過我相信各同事都好難收拾放假既心情﹐因為通常一放假個生理時鐘就會自動由AM改為PM﹐就算大埔同火炭只間隔四個站都立刻變到有時差一樣。今日「試工」完畢都仲有五日假﹐要好好利用﹐一年只得一次。都應該唔係好多人開緊工﹐今朝火車都無咩人搭﹐點解咁多人聽到我話放到「十三」都係得一個反應﹐「嘩~~~」。 **PS. 估唔到未有開工利是都有幾封「試工利是」收﹐哈＄哈＄。

happy valentine’s day of everyone.I HEART YOU. share the love mix media on canvas,8″ x 10″(each)ks(c)2005

早幾日初三睇<Rose Red>未寫，今日補番。 之前係明珠台播過，但只係「望」過一兩集。今次睇VCD版差少少頂唔順，一口氣睇四隻鍱總共二百五十幾分鐘真係唔係易事，馬拉松一樣。故事背景既大屋由真人真事改編，一經改過之後，感覺怪怪地，有點像一齣卡通片既感覺，裡面既Joyce就好似一位隊長，要集合五位戰士組成戰隊打怪獸一樣。現在的導演好像只求畫面上的震撼，不求心靈上的衝擊。 選擇Stephen King既電視劇，現在播影中既<Kingdom Hospital>比較吸引，佢既第一位電影當然係<The Shining>，第二係<Thinner>，第三位唔係驚嚇片種<The Green Mile>。 p.s. 鳴謝Ms.Geri提供影鍱。

RECTANULARmix media on canvas,6″ x 8″ks(c)2005 LET IT BE, DON’T LET IT BLEED.oil on wooden plate,15″ x 12″ks(c)2005

購入一張<lcd soundsystem>，以21世紀DISCO-PUNK作招徠，沒有特別comment，亦沒有選擇錯誤，感覺不會過剛過柔，又唔會類似別人既作品，16 tracks絕對值得欣賞。因第一曲目既<daft punk is playing at my house>順帶一題，Daft Punk繼2001年既<Discovery>之後，將會於今年三月推出一張新album<Human after all>，密切留意。

樂華清晨一角。好耐都無番過去，唔經唔覺咁就搬走十幾年。

近日經常瀏覽Wooster Collective，佢地由今年一月十八日開始做緊一個叫“Artist Workspaces”既project，佢地收集好多studio既相片，有Alexone, Zephyr, Swoon, WK interact, Tofer, Freaklub, JAKe, Nick Walker…好多好多，早大半年之前自己已經開始物色緊一個工作室，由大埔到火炭由荃灣到觀塘，一係太遠一係太貴，其實租唔成地方都不外符呢兩個原因。唔單只外國artist既studio係我夢寐以求既工作間，香港有一班駐守火炭既藝術工作者舉行一個叫「伙炭」既活動，原來香港都有咁多咁好既工作室。香港地少人多，早排樓價又回升，所以一個人真係好難負擔起一個咁既地方，唔係屋企做唔到，一來屋企又無咁多地方又唔可以整污糟，真麻煩。 以下是我的「工作室」。左 : 後樓梯。右 : 家中。

green eyemix media on canvas,10″ x 14″ks(c)2005

「行花市」呢個活動已經成為呢幾年既指定動作，尋晚行完花市，當然就今朝先返屋企，跟住惡夢就發生，七點幾鐘上床十一點幾就起身，咩事？智慧齒發作，呢兩隻智慧齒已經困擾我有兩年幾，好希望智慧齒同自身既智慧係成正比，哈哈~真係未試過痛得咁堅，要痛到睇急症，牙醫初七先開工，大獲…如果政府藥唔得咪要初七先食到野？好彩今日未洗拜年，如果唔係利是都逗少幾封。 係newsgroup睇到六章【殘酷童話世界】，但未開始睇，邊位朋友有興趣請留e-mail。 第一章 – 白雪公主（女兒和生母之間愛糾葛） 第二章 – 灰姑娘（母親留下的幸福之路） 第三章 – 青蛙王子（改變女人心理的奇妙力量） 第四章 – 藍鬍子（另一把禁忌的鑰匙） 第五章 – 睡美人（讓公主沈睡的真正原因） 第六章 – 杜松樹（傳統民間故事竟是這麼恐怖）完

漫長既農曆假期今日正式開始，唔出街都無事一出街就出埋血，仲要係「大出血」，可能嚴重到係「內出血」，荷包「內出血」呢家野，未收到statment都仲未知，唉~ 行過89268竟然有野減價，用$30帶佢番屋企，Safariari – Zebra Knights，仲平過二手，係咪去唔到貨架，但係display又貼住張89268推介貼紙，我諗唔會差得去邊掛，一日未開封都未知裡面咩事！

睇戲之前係KUBRICK買入了一隻Warp Vision 1989-2004，好似好笨咁，因為我選購了$2XX的英國紙盒版。一心諗住返到屋企可以好好欣賞，奈何天氣潮濕影響，加上屋企一部年紀老邁既音響組合，令到我無法如期完成呢項觀賞DVD環節，所以只係睇幾個舊作就算喇。 睇番90年代既電子音樂MV真係另有一番風味，唔知係技術上既問題定抑或個時拍MV既手法傳統關係，有類MV都大同小異，真係會用番某種有關電子既element去創造一個MV。當然亦有再番睇Chris Cunningham既作品，起初都會覺得幾新鮮，但係越睇就越頂唔順，Chris Cunningham個種係MV裡面既visual impact加埋Aphex Twin咁強烈既耳膜衝擊，真係有時睇到會好辛苦。咁多MV導演裡面我既至愛到現時為止都仲係Michel Gondry，唔單只佢同我鍾意既artists Chemical Brothers、Bjork、Kylie等合作過，佢既ideas實在太…

估唔到第二輯咁快就出鍱，故事由七個變四個，時間亦都由每個十五分鐘增長至大約半個鐘。第一個故事《機上之空論(Armchair Theory)》由小島淳二製作，唔知係先入為主定無獨有偶既關係，睇完之後忽然間好有共鳴，如果戲入面既盒錄影帶真係有得買，亦等於「春田花花幼稚園」會正式辦學，香港會推出「通識課」，立刻有廣告跟住出街，但係廣告內容唔講基因改造、唔講體育活動，改為講「交際」，即係香港人講既「溝仔溝女」，相信回響會更加大，可能好多家長都要再報讀呢個「通識課」。但係戲入面最後都帶番出一個正確既事件，一直既學習係咪無用呢？紙上談兵定實戰重要呢？ 由一首歌一條拉鍊點變做一套短片？ 同Mr.Children既「Fastener」同名短片，一種回帶既方式，由死亡帶番您去原點。用拉鍊帶出一個人生成長必經問題，究竟可唔可以唔長大，由一個小朋友既角度出發，「大人在拉鍊之下，藏著不同的面貌。」拉鍊之下究竟您知唔知道自己係邊個，係呢條拉鍊底下會變成另一個人，定係可以用佢睇到另一個新既世界？ 人就係咁假咁複雜，唔係一定要咁做，但係唔做唔得，就算您係咩人，係呢個世界都被迫要帶住呢個人皮面具。或者好似Da Vinci咁講，「我以為我是在學習生存時，學的卻是死亡。」 **《Jam Films 2》出鍱既同時，日本已經推出《Jam Films S》，希望香港會有機會欣賞到。

之前「賴」矜貴，而家50個invitation都未send過，各位朋友邊個未有GMail用，請email通知我，我會盡快回覆。

呢幾日開始回暖，天氣即刻好潮濕，牆同地下都濕到出水，返工出門口係走廊都爭少少跣低，各位請小心上路， 哈~ 亦都因為天氣關係，周身都唔舒服好唔「爽」，完成無心機畫野，就算畫都好難乾，所以決定呢幾日暫時停工，直至天文台另行通知。而家就用呢段空檔update個blog，新舊都要寫番，唉…但係阿「喵」就好似精神番晒，成日望住條街。 _大霧既街景。

好耐無去戲院睇戲，對上一次已經係上個月既廿二號，屋企唔係唔睇，不過太難集中精神睇鍱，加上有時戲係唔可以等，一下子幾個月甚至成年先出鍱咁咪弊? 片山恭一，對我來講一個完全唔熟悉既名字，但係而呢齣戲在《世界中心呼喚愛》同佢有關既名字就無咁陌生，一)村上春樹，因為呢本書打破《挪威的森林》既熱賣紀錄；二)柴崎幸、大澤隆夫，釋演戲中既男女主角；三)行定?，之前係《Jam Films》出現過既導演。 睇過呢本書既簡介，相信都係一套「賺人熱淚」既純愛電影，但係唔知會係迫人流淚既電影，定係睇完會令您諗起某段時候，繼而…。上次睇《Jam Films》既時候行定?個故事好搞笑，唔知今次處理呢齣票房直逼二億日元既愛情電影會有咩新鮮野帶比觀眾呢？ 故事可能會好老土，呢樣我唔知，但係愛情本身就係老土。但係點解香港上任何片種既既戲都可以咁慢既呢？ 究竟CUBE呢個project幾時先會完呢，會困獸鬥到幾時？今次已經第三集喇，原來第一集已經係六年前既作品，諗番起當時睇《Cube》個感覺好強，一路都幾鍾意睇Sci-Fi電影，但係以前接觸既《Star Wars》、《Alien》、《E.T.》等比起呢套就完全唔同，飛船、怪獸、外星人同大量(電腦)特技之外，一個場景加一個好既故事已經可以玩到好多野。 今次用《Cube Zero》呢個名，唔知會唔會係一套「前傳」作，解釋晒所有前因後果既「呃人」作品呢？ 仲有兩套「想」睇既就係《Evil》同Ms.Toto介紹既《The Return》，一套上映中，另一套希望係coming soon… 但暫時都無時間，好慘，加上新年檔期，當然要去睇《The Incredibles》先啦~

今晚又用$125係二手CD店買來4隻CD，因為Sourecelab個set “Classiques de 1995 a 2002” 係3CD既精選(?)來的，另外一隻係之前係H記見到KAWS封面既Sweet Robots Against The Machine – RE:TOWA TEI，TOWA TEI係我記憶裡面只係有佢個副黑框眼鏡同兩隻托腮既手指，由於本身唔係太喜好House音樂，日本既DJ亦好少留意，只知道少數有名氣既，呢張CD純粹係因cover design而買既，可能佢下一隻大鍱我都會因呢隻二手CD而開始留意，除音樂因素之外，因為佢下張大鍱「FLASH」係由Twister做封面，哈哈，又買cover? RE : TOWA TEI… more →

_病了嗎？

Bringing in the new sound Make it in Oh please make it in All I have been missing Fill me… more →

睇完呢個網頁令我覺得香港早十年前係改編漫畫方面已經做得好成功，有既樊少皇，有既元彪同葉蘊儀，雖然唔係什麼高水準製作，但只講造型都已經好好多，當然香港都有純為搞笑而製作既，不過都未至於咁架… 以下內容有驚嚇成份，敬請留意： 更多驚嚇內容

內容、對白、思想。 一套根本就唔係比小朋友去睇既卡通片，幼稚園加課外活動教「詐死」」教「小便」，不過某程度上內容真係好反映到本地既生活同思想，諷刺成份極重，對白度到咁，係寫得好，但係上戲院點可能一級至得架，二B就差唔多，電影播我諗要PG家長指印。 不過黃秋生配音真係好勁就真﹐係咪叫「RAP」呀﹖

第24屆金像獎提名名單 《 功 夫 》 16 項 提 名 霸 金 像 獎 九 成 版 圖 香 港 電… more →

【明報專訊】日本受強勁冷鋒影響，全國多處出現暴風雪，導致陸空交通混亂，多班航機和火車要停駛，並導致多宗交通意外﹔在西部的神戶市，道路結冰令全市發生涉及30輛汽車的10宗交通意外﹔在北部的長岡，大雪差不多將路上的車整輛掩蓋。 【東方日報】百萬港人挑戰腦炎內地差不多所有地區均爆發奪命腦膜炎（內地簡稱流腦），由於春節將至，回鄉度歲的港人風險驟增，腦膜炎亦可以由來港過年的個人遊旅客傳入。生署生防護中心昨表示… 【東方日報專訊】今天是年廿四，本港對年桔年花的需求已進入高峰期，但紅火蟻肆虐，內地檢驗檢疫部門和本港漁護署均採取嚴格措施防範紅火蟻入侵，有關措施令輸港年桔年花數量減少。三名內地花農為繞過兩地檢疫措施，趕及過年前來港賣桔賣花，前日竟鋌而走險，走私二百八十八盆年桔年花來港，在離島坪洲出售，豈料村民害怕他們帶來紅火蟻，挺身舉報。這三名內地花農不但發財夢碎，更惹上官非，被警方拘捕。食環署雖未有在該批年桔年花發現紅火蟻蹤影，但仍全數銷毀以策安全。 之前南亞地震海嘯，香港唔係地震帶未有受影響；日本全國多處出現暴風雪650死傷，香港係亞熱帶地區都未有受影響；內地爆發腦膜炎，內地咁近香港，但係「香港官員已作好準備，唔會比病毒爆發」，都仲未有受影響。 偏偏最細隻，但係可以「嬲」死象既螞蟻恰我地，非一既螞蟻，係「紅火蟻」，仲要一係唔見，運幾盆桔落香港，即刻發現二百幾個蟻丘，呢頭入侵離島，個頭又直撲迪士尼，唉… 足以見到香港政府，大事又唔理(理唔掂)，小事又化大，紅火蟻可能係香港住得耐過您同我。政府…蟻之外仲有好多事做呀！

本身一路都用開geocities寫自己呢個所謂既「日記」，因為愈來愈多相既關係，要呢度link個呢度link太煩太亂喇，rphotobase原本有100MB，但係突然間又唔可以link相去第二度(女夭~)，又暫時無咁多閒錢開自己既hosting。係以上種種既因素之下經朋友介紹底下就係blogger開始繼續(暫時)寫我第十四個月既日記。 但係要慢慢將以前既日記「搬遷」，真係有少少吃力，哈哈…唔知各路朋友有無免費既「網上版『人人搬屋』」介紹？ 都唔知個陣時挑起邊條筋走去學人寫日記﹐不過寫下寫下﹐咁就寫緊第十四個月喇﹐記得以前小學交功課﹐即刻牙痛咁既聲(成班唔只我一個係咁)﹐咁之後我記得係改到半個月寫一次﹐都­要參考上兩個星期寫過咩﹐哈哈…死未~

is a new try for me, more foto upload at rphotobase… blank n’ black mix meida on canvas, 8″ x… more →