好長既戲名，仲要好少數地完全直譯一個中文名過來，單睇戲名真係完全唔吸引，仲有少少似鬼片戲名feel…當呢套戲一上，立刻見到好多書局成set小說連pops棟係門口，無深入查證唔知反應係點，不過應該都唔會好似Harry Potter咁勁。
未睇之前仲以為個主角叫Lemony Snicket，原來唔係，佢係「周慕雲」，負責寫同講呢一連串不幸事件。不過成個故事真係完全集中係不幸事件，有關個單殺人縱火案講幾句就算，搞到成齣戲好似一part一part咁做，基本上將幾件不幸事件掉亂做一次都仲得。依然焦點都放係Jim Carrey度，因為三位小演員真係好似無咩位可以發揮演技，當然位BB演員唔吃力都討好，但我個院既觀眾唔洗咁誇呀，個BB每次出鏡都會有人：「呀~好得意呀~」、「呀~好cute呀~」，我知喇，唔該！
仲有兩位大「茄喱啡」Dustin Hoffman同Meryl Streep，真係估佢唔到。
<The Monster(美麗女狼)> 將會於四月七日上映，留意，不過唔留意都留意成年啦，唔好上丫笨~