Month: May 2005

首先﹐在此謝過各方好友關心﹐請不要誤會關心我係因為感情煩惱、工作壓力或是身染重病之類﹐今次只不過是一套限量版《SteamBoy》BOX SET而已。由於我較早之前在這裡「嗔」過「黑色星期五」事件﹐Ms.Jenny外遊台灣之時不忘在我既blog留言﹐說她已買到台灣中文版DVD﹐並告知在「阿麥書房」可以訂購(也要謝過21thfriend的e-mail)﹐還未知甚麼事的我一看之下﹐「OH SHIT~」日本版已在四月十四號推出了﹐怪不得KUBRICK的店員會說斷貨﹐成個月喇撞鬼。再立刻四出搜尋﹐更發散了「多達兩名」即將會到日本既朋友幫忙找找﹐Ms.Flower已經於昨日下午返港﹐亦盡了她的綿力抵達「一間」HMV﹐當然結果是找不到﹐另外一位聯絡不上﹐所以已打定輸數。今日﹐在港島區HMV駐守的Mr.Jack都已致電給我﹐說他們公司也有貨了﹐不過又是香港版，灰。 實不相瞞﹐其實早個多月前我已經在旺角信X中心購入一隻附有中文字幕的「老翻」DVD﹐因為當時怕這齣動畫沒有中文版的推出﹐如果買了日本版內容根本就不會看得明﹐所以便心急地購入這隻「老翻」作打底或者後備之用。另外為免重蹈《AKIRA》的覆徹﹐現在市面上的日本普通版暫不會考慮﹐但經自己草率地考慮過﹐自己也忍不住到HMV.co.jp訂回來好了﹐見到原來仲有貨﹐唔洗心掛掛。 最後說句「大友克洋﹐對唔住。」﹐我買了「老翻」。 《STEAMBOY》 BLOG : http://steamboy.cocolog-nifty.com/

近來沒有到戲院看大熱的《星球大戰前傳III(Star Wars: Episode III)》﹐因為本身對《星戰》沒太大的興趣﹐只是早一兩星期在明珠台番看了《星戰前傳I》﹐也沒有為了「青春性感偶像名緩」Paris Hilton到戲院看《恐怖蠟像館(House Of Wax)》。不過六月很多想看的電影都會相繼上映﹐相信下個月將會有好幾晚留連戲院。雖然近來沒有看戲﹐但留意到呢兩日都有談及戲院既新聞﹐其中已結業既一間﹐記憶中在那裡只看過兩套戲﹐夠大又舒服﹐不過對我來講比較遠而選擇都比較少﹐應該因為只有一個院的關係﹐所以就算在港島區﹐這間戲院通常都不會在名單之內。 十四年前搬到現居既呢一區﹐當時大約有四至五間戲院﹐但今日一間都無。當年身為小學生既我當然無多除零用去戲院﹐就算要去戲院睇戲﹐都由家父家母出錢﹐不過多數都會到樓下影視店租VHS或者LD﹐在家庭影院欣賞。我區既戲院有結業有轉型﹐轉為三十蚊全天候成人情侶影院﹐轉為十蚊清倉大型雜貨舖。記得最後一次在我這區看的戲是《中華英雄》﹐暑假檔期十幾個中學同學柴娃娃「踢拖」到戲院﹐好似VIP包場一樣。發展迅速﹐轉頭我地已經「踢拖」到同學家中看VCD版的《鬼娃娃花子》。講到尾﹐不是要談電影工業怎樣蕭條沒落﹐也不是要談BT或盜版問題﹐問題是我這區超過三十萬人口之多﹐點解一間戲院都無﹐我這區的人不看電影不娛樂嗎? 打個比喻﹐觀眾會山長水遠到數碼港看《雀聖(Kung Fu Mahjong)》而不在我這區看《頭文字D(INITIAL D)》? 講到尾﹐片種都是一大問題所在﹐如果「爛片」成行成市﹐西洋菜街開戲院多過電器舖都一樣會無人入場睇。廢話一篇﹐完畢。 相關新聞 : 「數碼影院取代傳統戲院」, 「利舞台戲院又結束」

今天我看了這個。您也可看我這裡十分之一的相片。

臺灣破周報 – 2005年4月29日…由ROYAL ELASTICS認養館內一所藝術家專屬工作室作為ROYAL ELASTICS FREE ART STUDIO，並開放給任何對街頭藝術創作有興趣的藝術工作者 … 而塗鴉最原始的精神：「在街頭」，關於這點他們是永遠不會忘記的，套句塗鴉者的老話「From Street！For Street！」…read more… text quote from POTS

未出呀﹐仲有成個月要等。 New Album“The Understanding” is complete!28th June – Everywhere elsewww.royksopp.com

近期電影院同時播放著幾套介乎於色情同藝術兩者之間既電影﹐早前已經看過《愛神(Eros)》﹐尋晚亦拜訪了蔡明亮的《天邊一朵雲(The Wayward Cloud)》﹐未睇最後一套《感官樂園(3-Iron)》﹐大概都估到呢齣係最大膽最無保留既一齣。 睇完套戲﹐發覺缺水既可怕之外﹐都發覺時代唔同地方唔同﹐相對顯生出既東西都大有不同。我這年輕一輩未曾嚐過四十年前香港制水既滋味﹐未知道當中痛苦辛酸﹐只知道現在­香港人既一些集體回憶﹐許冠傑既pop song、「樓下閂水喉」、紅A膠水筒等等。依家輪到台灣缺水﹐導演亦借題發揮寫了一大堆空(幻)想。用西瓜作為性器既代替品﹐對白只有一句專注用身體去做戲﹐同男主角既職業大有連繫﹐除了這些﹐鎖匙同馬路上既水源﹐西瓜汁沖完涼惹到一身蟻﹐分鏡既交匯點與被分隔﹐一步一步咁帶您行完成部戲。蔡導演既戲又是一種新浪潮﹐一點白位都不留給觀眾﹐不留給觀眾有進一步既暇想﹐要實實在在放映到您眼前﹐難怪佢宣傳既時候都要感謝「一刀不剪」。 睇過其他尊業影評後﹐想睇睇佢之前既電影﹐用一句對白點將觀眾帶到《你那邊幾點》﹐錶同佢地兩個個有咩關係。《天橋不見了》既大雨之後點會變成一個缺水既台灣。 **另外﹐原本在去戲院之前到朗豪坊參觀〈Milk x Star Wars〉exhibition﹐但有(友)人報錯料﹐白走一敞。

霍采兒的「No Graff」，拾來了食環署人員噴漆用完的「No Graff」鐵造字樣，然後在街頭到處噴，並把行動拍成錄象紀錄。而展出的說明，卻是一張有關在文物館搞展覽的大會指引，另附一張字條：「我縱使敢在街上到處塗，也不敢在這藝術場所塗」。另一邊的舊作，是把繡上了自己-藝術家名字的一百大元紅衫魚拍賣，展出的是這次拍賣會的紀錄與証書。…read more text quote from inmediahk. click here to check out the article of The Art of CUHK… more →

finally finished the mini monchhichi figure and the mini tee for the next exhibition. thatz the competition of 〈DaDa Girl… more →

click the link below and check it out the program review, a news report it was talking abt hong kong… more →

今早渡過了一個看似閑來無事的「長週」，因為自公司推行「長短週」制度後，上星期返工既Group A同事已被定為「高層組」，所以本週返工既同事唯一既工作就係「等放工」。之後同Mr.Big Mad, Mr.Katol, Ms.Glutter到中大參觀《The Art of CUHK 2005》，作品很多亦很豐富，雖然不是不好但有點欠缺新意。最感興趣是那位霍采兒(Ms.Joyce)小姐的作品，但感興趣不表示讚同或反感等等，想知道多些有關她那個project – This Is Not Graffiti既資料。但好搞笑既係未進過中大就已經有作品參展，哈哈，如果大家都會去看的話，請留意This Is Not Graffiti的video。《The Last Supper》用上這個手法，新鮮。Frank Vigneron的畫作，非常震撼。… more →

another news from Hong Kong Street Art, “The Marks” project by Mr.Fusion and Mr.Big Mad.big up! 在 西 貢 親… more →

「 我 會 再 回 來 與 你 們 一 起 」Kylie Minogue 患 乳 癌 港 個 唱 告… more →

“What you should do is get a box for a month, and drop everything in it and at the end… more →

found this in a newsgroup(3art.LOMO@news.3home.net), someone shot me and Mr.C#.foto and posted by 6seven, the title is “半走光”.

有少許當年《初戀無限TOUCH》既感覺，雖然兩套都係sell青年派偶像，又未至於一定要相提並論，爾冬陞講既問題實際同現實。就算幾單純，責任點都要成熟，這個結局亦比較有意義，唔會係一大班後生仔女嘻嘻哈哈咁就完，父母同仔女兩邊既戲份又不至於過重過輕。在HMV的指定動作，又「俸獻」了，原本想找的《Steam Boy》DVD但找不到，之後跟《Daft Punk》的box set撞個正著，事原係因為裡面的《D.A.F.T.》是我之前找不到的，所以要「夾硬」將另外既《5555》一併買下，感覺被「老屈」之外亦搵藉口幫自己既良心辯護，哈。

今日睇兩齣戲都有鄭伊健同林海峰，人就一樣不過戲就好唔同。晏晝家庭影院有《阿孖有難》，本來想係《死亡寫真》既同期睇埋但沒空，兩個故事都由同一樁交通意外引發，同樣兩邊都招惹殺身之禍。但「孖仔」呢邊唔覺太吸引，睇來彭發走錯了發展路線，動作喜劇應該唔係好適合佢，個配樂又好似跟埋用鬼片個手法做，仲有下次可唔可以唔同泰國有關呢？其實黃子華戲份可以加重，相信可觀性相對都會加高，唔洗好似依家唔喜劇唔動作，唔湯唔水。睇完這套《三岔口》，忽然覺得郭富城唔洗再勁歌熱舞，佢演戲實在唔差。但個劇本真係唔知點解會出自岸西，雖然都有愛情關係加入故事中間，但未至於《甜蜜蜜》或《男人四十》，可以話係她轉型了，放棄最拿手既唔通佢又想寫齣「愛情無間」？不過唔排除戲入面吳彥祖句對白有影射之嫌。又唔覺得似朋友講得故事咁鬆散，但係都似分開三個結局咁，您有您完佢有佢死，邊樣先係導火線？

如果在油麻地電影中心睇完戲，例必都會到kubrick逛逛。今晚我又在這裡帶了東西回家，一隻《Dark Days》DVD，原來Plam Pictures又一次把好戲再版，足足三年終於比我搵(睇)到，總算「踏破鐵(布)鞋」，今年既「黑色星期五」對我來講都唔太「黑」。但有另外一件非常「黑」事件，就是kubrick既店員告訴我 : 「《Steam Boy》的日本特別版已經售罄及斷貨，要訂也訂不到。」，令我傷心欲絕的一句…希望在那間大集團「H記」可以找到。

any other nice program?

i went Yumla tdy to check out the new wall paintin’ and the djs schedule card it was painted by… more →

今日晏晝放工後同Mr.Big Mad上去深圳睇《大聲展》，仲試搭新既深圳地鐵。本身今日既二人深圳之旅並唔係咁人丁單薄，不過係今朝呢個又要OT，呢個又唔見回鄉證，呢個又病，唔係怪佢地「甩底」，不過唔睇真係好浪費，無緣也。三點鐘到展場，兩個半鐘時間，睇埋影埋相，叫做行得晒，仲有一件Tee，一張poster同一本場刊作記念品。 其實，香港政府真係唔洗特意咁有心去搞個「西九」，好似內地好多地方咁，唔洗話幾百萬畝地，細細地，真係有心搞好文藝的話，一樣有人支持一樣可以做得好成功。都好希望近近地既深圳可以繼續做呢類型既function，唔洗次次都上海、北京，得個知字又無得睇。 http://www.getitlouder.com

it was another art party presents by Royal Elastics last nite. 3 internetional street artists YOK, BOB and Mephisto Jones… more →

相 信大家而家睇緊好多香港(或海外)既blog都談論緊同一個問題，亦都係一個原始既問題，「BLOG」。而家已經唔單只係網上既人要知道呢個問題，因為而 家blog就好似一種時事，您打開報紙或者睇電視都會談及既題目。當中好多深奧理論同詳盡分析我唔會係度講，我並唔係覺得討論呢個話題係無聊或者多餘，只 係我對呢個「BLOG」文化未有深入了解。 之前在Ms.Glutter口中知道佢將會參加一個〈Freedom Blog Awards〉，再係昨晚瀏覽〈聞.見.思.錄〉既時候睇到Ms.Glutter係Cable-TV既訪問，所以特此係今日post一個有關「BLOG」既topic，原來Ms.Glutter係呢個法國比賽裡面六十個參賽者次中唯一一個香港人，厲害。要繼續為言論自由努力。大家可到這裡投票，亦好多謝〈聞.見.思.錄〉既Alex提供連結。 有線電視新聞一台節目《新增點》Real Player Video(希望各位以滑鼠右鍵點擊這個連結，然後選取「另存新檔」的形式，將這個約40MB的檔案，先下載到自已的電腦中，然後才雙擊檔案以觀看。)click here to read the article of 「周圍都blog。」

好耐都無睇過戲，VCD見平就買驚死執輸，買落幾廿隻仲未開封。今日選睇朴贊郁(Park Chan-wook)既《復仇(Sympathy for Mr. Vengeance)》完全同「長今」無關。《復仇》係朴贊郁「復仇三部曲」既第一部，但我係跳級去第二部《原罪犯(Old Boy)》先回帶去第一部，相比起第二部，《復仇》裡面好似只有「暴力」沒有「美學」可言，但同樣大家都著重一個問題(疑點)就係究竟係咪得罪於人，呢個故事有少少似港產既《救命(Koma)》，內臟買賣故之言係其一，其二就係大家都好似係為救命而奪命。好奇怪中間一段老豆見番個女，有少少好似係講心理又好似講鬼既戲，好混亂；佢之後點解又認做個細路既老豆呢？唯一失望就係點解宋康昊戲份好似咁少，亦好祈望可以盡快睇到有「長今(李英愛)」既第三部曲，不過都唔關「長今」事。《大長今》之後有《醫道》，電視足足做幾個月醫生劇，如果一次過做晒咁多輯《妙手仁心》呀，吳啟華fans都過檔啦，咁播法以後仲有鬼人睇韓劇咩。唔知呢排各位老師們出我的志願做作文題目既時候，全班有無九十五個巴仙既小朋友都係大個要做「醫女」呢？

內地同胞有「五一黃金週」來港消費，香港朋友有「五一長今週」煲劇週末，我同Mr.Katol就來一個「五一『長金BOMB』」，不過遇著毛毛細雨，掃興。 繼與Mr.Katol一夜既新界東區「五一『長金BOMB』」之後，終於都有時間幫Mr.Tony對鞋埋尾，其實一來係自己懶，次次都左腳整一忽右腳整一忽，同自己講「慢工出細貨」做藉口，所以就一搞就搞成個月。暫時都仲未知exhibition既時間，地點如無更改就會係銅鑼灣既ANYTIME。