Author: .ks.1.

The Art of CUHK 2005 – Part II.

霍采兒的「No Graff」,拾來了食環署人員噴漆用完的「No Graff」鐵造字樣,然後在街頭到處噴,並把行動拍成錄象紀錄。而展出的說明,卻是一張有關在文物館搞展覽的大會指引,另附一張字條:「我縱使敢在街上到處塗,也不敢在這藝術場所塗」。另一邊的舊作,是把繡上了自己-藝術家名字的一百大元紅衫魚拍賣,展出的是這次拍賣會的紀錄與証書。…read more text quote from inmediahk. click here to check out the article of The Art of CUHK… more →

The Art of CUHK 2005.

今早渡過了一個看似閑來無事的「長週」,因為自公司推行「長短週」制度後,上星期返工既Group A同事已被定為「高層組」,所以本週返工既同事唯一既工作就係「等放工」。之後同Mr.Big Mad, Mr.Katol, Ms.Glutter到中大參觀《The Art of CUHK 2005》,作品很多亦很豐富,雖然不是不好但有點欠缺新意。最感興趣是那位霍采兒(Ms.Joyce)小姐的作品,但感興趣不表示讚同或反感等等,想知道多些有關她那個project – This Is Not Graffiti既資料。但好搞笑既係未進過中大就已經有作品參展,哈哈,如果大家都會去看的話,請留意This Is Not Graffiti的video。《The Last Supper》用上這個手法,新鮮。Frank Vigneron的畫作,非常震撼。… more →

早熟(2 Young)…

有少許當年《初戀無限TOUCH》既感覺,雖然兩套都係sell青年派偶像,又未至於一定要相提並論,爾冬陞講既問題實際同現實。就算幾單純,責任點都要成熟,這個結局亦比較有意義,唔會係一大班後生仔女嘻嘻哈哈咁就完,父母同仔女兩邊既戲份又不至於過重過輕。在HMV的指定動作,又「俸獻」了,原本想找的《Steam Boy》DVD但找不到,之後跟《Daft Punk》的box set撞個正著,事原係因為裡面的《D.A.F.T.》是我之前找不到的,所以要「夾硬」將另外既《5555》一併買下,感覺被「老屈」之外亦搵藉口幫自己既良心辯護,哈。

阿孖有難(Leave Me Alone)/三岔口(Divergence)…

今日睇兩齣戲都有鄭伊健同林海峰,人就一樣不過戲就好唔同。晏晝家庭影院有《阿孖有難》,本來想係《死亡寫真》既同期睇埋但沒空,兩個故事都由同一樁交通意外引發,同樣兩邊都招惹殺身之禍。但「孖仔」呢邊唔覺太吸引,睇來彭發走錯了發展路線,動作喜劇應該唔係好適合佢,個配樂又好似跟埋用鬼片個手法做,仲有下次可唔可以唔同泰國有關呢?其實黃子華戲份可以加重,相信可觀性相對都會加高,唔洗好似依家唔喜劇唔動作,唔湯唔水。睇完這套《三岔口》,忽然覺得郭富城唔洗再勁歌熱舞,佢演戲實在唔差。但個劇本真係唔知點解會出自岸西,雖然都有愛情關係加入故事中間,但未至於《甜蜜蜜》或《男人四十》,可以話係她轉型了,放棄最拿手既唔通佢又想寫齣「愛情無間」?不過唔排除戲入面吳彥祖句對白有影射之嫌。又唔覺得似朋友講得故事咁鬆散,但係都似分開三個結局咁,您有您完佢有佢死,邊樣先係導火線?

在「黑色星期五」踏破鐵鞋。

如果在油麻地電影中心睇完戲,例必都會到kubrick逛逛。今晚我又在這裡帶了東西回家,一隻《Dark Days》DVD,原來Plam Pictures又一次把好戲再版,足足三年終於比我搵(睇)到,總算「踏破鐵(布)鞋」,今年既「黑色星期五」對我來講都唔太「黑」。但有另外一件非常「黑」事件,就是kubrick既店員告訴我 : 「《Steam Boy》的日本特別版已經售罄及斷貨,要訂也訂不到。」,令我傷心欲絕的一句…希望在那間大集團「H記」可以找到。

Eros(愛神)…

明天將會係我返咁多份工以來既第一個「短週」,感覺似重返小學時候,等待「短週」既來臨而安排節目,適逢星期一佛誕補假,一連三日既假期,單字曰 : 「爽」。 今晚到BC看了新上映既《Eros(愛神)》,除了王大導外,另外兩位導演既大作從未睇過,亦聞所未聞,吸引既會係睇睇五年《2046》同兩個月《愛神 – 手》有咩分別,但似乎我又中陷阱了。 其實本人都幾好這種一個母題,用上幾位導演用唔同風格,應該叫做傳統消費者心態 - 「抵睇」。唔知style呢樣野會唔人傳人,定係依家王大導已經瀕臨江郎才盡邊緣,他的兩個月比起五年感覺更好,起碼不叫離題,但係都有少少萬變不離其中既style。上次在《2046》大家交流完,今次鞏俐做了章子怡但不夠風騷,梁朝偉又上了張震身但少了輕佻。如果係期待兩位個有春色盪漾既畫面,可以不入場收看,都只是意識大膽鏡頭欠奉。 《愛神 – 夢》愛神都總算明白,幸好自己睇過少許佛洛依德,故事裡含意都略知一二,但「放飛機」是…?《愛神 – 慾》最困惑,用好幾個神話係故事裡頭,真係要深究一下先明,仲有玻璃杯同幅畫係咩意思? 《愛神》呢個名都唔夠直接,應該係前面加上一個「性」字,一來故事都係圍繞呢個題材講之外,Eros係希臘神話裡面其中一個愛神,亦都係代表性愛、情慾。

大聲展Get it louder@深圳Shenzhen

今日晏晝放工後同Mr.Big Mad上去深圳睇《大聲展》,仲試搭新既深圳地鐵。本身今日既二人深圳之旅並唔係咁人丁單薄,不過係今朝呢個又要OT,呢個又唔見回鄉證,呢個又病,唔係怪佢地「甩底」,不過唔睇真係好浪費,無緣也。三點鐘到展場,兩個半鐘時間,睇埋影埋相,叫做行得晒,仲有一件Tee,一張poster同一本場刊作記念品。 其實,香港政府真係唔洗特意咁有心去搞個「西九」,好似內地好多地方咁,唔洗話幾百萬畝地,細細地,真係有心搞好文藝的話,一樣有人支持一樣可以做得好成功。都好希望近近地既深圳可以繼續做呢類型既function,唔洗次次都上海、北京,得個知字又無得睇。 http://www.getitlouder.com

周圍都blog 之 二。

相 信大家而家睇緊好多香港(或海外)既blog都談論緊同一個問題,亦都係一個原始既問題,「BLOG」。而家已經唔單只係網上既人要知道呢個問題,因為而 家blog就好似一種時事,您打開報紙或者睇電視都會談及既題目。當中好多深奧理論同詳盡分析我唔會係度講,我並唔係覺得討論呢個話題係無聊或者多餘,只 係我對呢個「BLOG」文化未有深入了解。 之前在Ms.Glutter口中知道佢將會參加一個〈Freedom Blog Awards〉,再係昨晚瀏覽〈聞.見.思.錄〉既時候睇到Ms.Glutter係Cable-TV既訪問,所以特此係今日post一個有關「BLOG」既topic,原來Ms.Glutter係呢個法國比賽裡面六十個參賽者次中唯一一個香港人,厲害。要繼續為言論自由努力。大家可到這裡投票,亦好多謝〈聞.見.思.錄〉既Alex提供連結。 有線電視新聞一台節目《新增點》Real Player Video(希望各位以滑鼠右鍵點擊這個連結,然後選取「另存新檔」的形式,將這個約40MB的檔案,先下載到自已的電腦中,然後才雙擊檔案以觀看。)click here to read the article of 「周圍都blog。」

復仇(Sympathy for Mr. Vengeance)…

好耐都無睇過戲,VCD見平就買驚死執輸,買落幾廿隻仲未開封。今日選睇朴贊郁(Park Chan-wook)既《復仇(Sympathy for Mr. Vengeance)》完全同「長今」無關。《復仇》係朴贊郁「復仇三部曲」既第一部,但我係跳級去第二部《原罪犯(Old Boy)》先回帶去第一部,相比起第二部,《復仇》裡面好似只有「暴力」沒有「美學」可言,但同樣大家都著重一個問題(疑點)就係究竟係咪得罪於人,呢個故事有少少似港產既《救命(Koma)》,內臟買賣故之言係其一,其二就係大家都好似係為救命而奪命。好奇怪中間一段老豆見番個女,有少少好似係講心理又好似講鬼既戲,好混亂;佢之後點解又認做個細路既老豆呢?唯一失望就係點解宋康昊戲份好似咁少,亦好祈望可以盡快睇到有「長今(李英愛)」既第三部曲,不過都唔關「長今」事。《大長今》之後有《醫道》,電視足足做幾個月醫生劇,如果一次過做晒咁多輯《妙手仁心》呀,吳啟華fans都過檔啦,咁播法以後仲有鬼人睇韓劇咩。唔知呢排各位老師們出我的志願做作文題目既時候,全班有無九十五個巴仙既小朋友都係大個要做「醫女」呢?

「五一『長金BOMB』」。

內地同胞有「五一黃金週」來港消費,香港朋友有「五一長今週」煲劇週末,我同Mr.Katol就來一個「五一『長金BOMB』」,不過遇著毛毛細雨,掃興。 繼與Mr.Katol一夜既新界東區「五一『長金BOMB』」之後,終於都有時間幫Mr.Tony對鞋埋尾,其實一來係自己懶,次次都左腳整一忽右腳整一忽,同自己講「慢工出細貨」做藉口,所以就一搞就搞成個月。暫時都仲未知exhibition既時間,地點如無更改就會係銅鑼灣既ANYTIME。

GIFTS & PREMIUM FAIR 2005.

好耐都無試過消耗咁多體力係工作上面﹐講真精神消耗就多﹐體力勞動真係好少。日日都坐係部電腦前面”click-click-click”﹐耐唔耐出去一日都幾好。今年第一年幫公司做展覽﹐雖然唔係做大booth﹐但係已經今我非常疲乏﹐連續十二粒小時(之前在公司prepare的不計算在內)﹐又set pops又wallpaper又display﹐尋晚仲食到晚飯真係偷笑。 **本應相片只供內部傳閱﹐但本人在此作突破性嘗試﹐雖然只有一張﹐但希望此post短期內不會被「事頭婆」發現。

7SEVEN

注意 : 如果您正在「反日」,請不要收看以下文章。 最後一日最後一個鐘先去得到睇,所以呢一個鐘既寶貴又忙碌,因為估唔到入面咁多野睇,仲開晒三層,又poster又product又video,真係睇得又影唔到相。門口仲有七張免費既postcard,背面有每位art director既profile,我比較喜歡淺葉克己(Katsumi Asaba)同葛西薰(Kaoru Kasai)。 自己好耐都無去過art center睇exhibition,尤其係「包氏」,去到既時候第一時間諗起五、六年前自己第一次走去睇香港artist既exbihition,個位artist就係Michael Lau,free admission之外Michael都在場同擁躉合照、簽名,但現在應該此情不再。

「真係唔好同人講。」

當呢句說話係同一段對話裡面出現三次或以上﹐大概已經表明佢既真正意義失效。我個人立場認為﹐如果有秘密一係唔好講﹐講得出來既就已經唔係秘密。尋晚同Mr.Johnson, Ms.Wing食飯﹐講開一位朋友既artwork出了街﹐但Mr.Johnson話呢位朋友唔相比咁多人知﹐不過當時Mr.Jonson已經將呢個「秘密」公開了。我立即同Ms.Wing加以談論﹐我地都同意如果一位朋友向您透路秘密﹐但講秘密既途中您聽到類似「喂﹐真係唔好同人講。」﹐「我剩係同您一個講﹐唔好『揚』出去呀~~」或者「無人知﹐得您一個知﹐千祈咪『爆』響口。」等等達三次以上﹐表示呢個「秘密」已經唔係「秘密」﹐大家聽到應該識做啦!上次同Mr.Johnson講了一件事﹐但不是「秘密」﹐之後仲諗住全村都會知啦﹐可能就係我無同佢講三次「唔好同人講。」﹐結果…就連他的女友Ms.Wing都唔知﹐失敗! **p.s. (一)照片係同內容無關﹐只係坐cafe時影幾張好似好有mood既相。(二)以上個人見解﹐有守「秘密」者睇完可以繼續守﹐而且大家可照樣同我講「秘密」﹐哈哈!

中國製造。

頂您地唔順﹐咩潮都「跟一餐」﹐咩風都「吹一輪」﹐咩都「咩一咩」。「日」唔係唔反﹐罷買就可以啦﹐又打人又燒舖﹐印尼排華您都識話人野蠻﹐自己咁做又有咩分別?電視劇唔係唔睇﹐但唔洗睇完好似自己入埋藉咁﹐學完韓文學跪地﹐如果您地早幾廿年打過您﹐睇您地「今」唔「今」。跟住可能興印度呀﹐好學定用隻手食飯﹐唔係到時唔夠「IN」就唔好啦﹗ 香港人﹐反完日挺完韓﹐不如聽番首《中國製造》啦﹗ 中國製造 “起來 飢寒交迫的奴隸起來 全世界受苦的人滿腔的熱血已經沸騰要為真理而鬥爭舊世界打個落花流水奴隸們起來 起來不要說我們一無所有我們要做天下的主人” 鄧小平 萬里長城 北京蜂皇精回鄉證 空調彩電 周口店齊齊哈爾 放飛劍 回鄉探親十八路軍 秋後算賬 嘩鄧麗君 謝主龍恩 床前明月光人民大會堂 為自由 大白兔糖總書記… more →

戀愛地圖(關於愛/About Love)…

原來日﹐台﹐滬三地係講緊一個有聯繫既六人故事﹐但唔係話太好睇﹐第一個比較特別﹐DV加菲林剪出來既效果幾好﹐可能我個人較為喜好呢種DIY既感覺﹐out foucs之餘又有少少手震﹐正﹔第二個係台灣版既《Lost In Translation》﹐不斷出現既雞同鴨講﹐睇得好辛苦﹔第三個我覺得轉做第一章會比較好﹐又係bad ending…如果再order﹐我既order會係taipei > Shanghai > tokyo. 台灣官方網站 : http://aboutlove.kingnet.com.tw 英、日官方網站 : http://www.aboutlove-movie.com

香港文化博物館。

今日第一次去香港文化博物館,為看「紅白藍」。但「紅白藍」外,其他都很好看,海報的、戲劇的、唐代的和兒童的。但最唔好就係「西九」的,非常反感,不過竟然有幾位約五六年級的小妹妹填寫對「西九」的意見,佢地睇完係真明定假知,定係為填寫意見表格後既lucky draw?今日影相量可以暫時係零五年稱冠,有興趣往下續看。

Monster(美麗女狼)…

故事其實唔太吸引﹐真人真事改編來來去去都係咁﹐不過呢個叫做有個感人故事襯托﹐無咁悶﹐真係齋睇演技咩。講真﹐個女主角既演技真係好好﹐亦都有頗大?既演出。但睇演技之除都真係要睇埋人地既化裝﹐但點解Christina Ricci咁多年都好似無大個過咁既?