Uncategorized

Make a shirt, buy it n’ open your own shirt shop. Here is my online store, but i made bad… more →

vol. 193, mad art…”DONATE WALLS”.thz the real support for hong kong street art, and milk too.

use The Scribbler n’ draw this.

恭喜彭氏兄弟成功轉型﹐脫離鬼片行列﹐因為我大膽講句呢齣《見鬼10》真係一齣笑片﹐完全無晒《見鬼1》個種感覺﹐雖然戲院入面仲有好多觀眾好有反應﹐特別係坐我後面個位女仕﹐尖叫十幾次都不在話下﹐踢凳都踢我三四下﹐真係咁驚?我情願佢地兩兄弟分開做﹐做番類似《死亡寫真》或者《無聲火》既作品仲好﹐呢個「老本」您地食唔倒喇。以下我係網上quote一段有關片中見鬼十式既另類見解﹐有興趣可作參考﹐或睇完得啖笑亦得。 整鬼人十式 最近看到一部靈異電影的宣傳，內容是以「見鬼十式」作為題材，其中包括和死人交換眼角膜之後會見到鬼、懷孕時自殺、杯仙、呷飯鬼、死人泥、午夜街頭大哭、躲貓貓、兩腿之間（多引人遐思！）、打開家中長鎖的門、扮喪葬禮等。在這些見鬼的方法之中，以懷孕自殺最不人道和最殘忍的，因為這個方法不是教人去見鬼，而是要人去做鬼！呷飯鬼，類似餓鬼的意思。傳聞中，敲打碗碟的聲音能夠提醒失憶的鬼，吃飯的時間又到了，鬼聽到了就會現身，不停地吃、吃、吃。所以方法是準備幾份晚餐，凌晨時分把食物放在三岔路口，點三根蠟燭，用筷子敲碗，就會……。「喂！有人投訴你擾人清夢，身份證，沒有帶……哼！哈！」不用三分鐘，警察先生一定會把你關進水飯房，讓你嘗試一下做呷飯鬼的經驗。兩腿間看到另一世界？兩腿之間可以看到另一個世界。彎腰從兩腿往後望，會看到另一個世界的景像……因為當你這樣做的時候，鬼會誤會你是準備要出生的胎兒，便會吸引它來投胎。雖然我不知道男性這樣做，是不是具有同樣效果，不過如果你真的相信這方法有效，而有些鬼也真的這樣認為的話，那麼，你和那隻鬼的腦袋實在是純真得有點過分！死人泥。基本上是用特製的墳墓泥來塗眼……在進行這方法之前，麻煩先登記申請輪候換領眼角膜的手續。無人街上哭嚇鬼！午夜大哭。半夜三點，在無人街上哭的話，鬼就會找上你。半夜三點在街上平白無事大哭，這不是想見鬼，而是嚇鬼！到時又得麻煩警察叔叔問你拿出身份證了。其餘的躲貓貓、杯仙、扮裝葬禮、打開家中長鎖很久的門、和死人交換眼角膜等等見鬼的方法，和以上幾種都有?一個共通點，以教人見鬼為名，實則是以「整鬼人」為實。　電影以見鬼方法作為題材，只是一種噱頭。如果有人以這些所謂見鬼方法來「玩見鬼」，甚至掀起一股「玩見鬼」熱潮的話，那麼這情況比真的見到鬼，更加讓人感到驚心動魄…… 撰文：思無涯

try this to draw ur stuff with tpying words… No 6468 Date 2005.03.28Name ksoneLink http://storyabout.net/typedrawing/index.php?requestedID=6468

check out this izzue no.567 of HK Magazine, last time we paint a big canvas work was be a cover… more →

first time to use an expensive panel to do painting n’ spend whole day to make it, thz Mr.Katol to… more →

聽緊喇~moby隻鍱又會咁奇怪，多廿蚊多一隻鍱，不過唔係b-side呀，全部歌都唔同叫”HOTEL : AMBIENT”(a 76 minute cd of new recordings.)，仲未聽所以唔知咩料。之前呢個光頭佬出隻”18″，跟手出隻”18 : b-side”，唔覺唔覺比佢?一刀，呀~~Junior Senior就心血來潮突然間好想聽?佢地”move your feet”之外仲有咩正歌，見佢$45帶埋佢番屋企。**p.s. Junior Senior的”move your feet”MV是玩pixel的，可click這裡自行觀賞，誠意推薦度到達八星(＊＊＊＊＊＊＊＊＊＊)，不好pixel者勿進，以免產生反效果。

今早收到Mr.RST既e-mail﹐好奇怪﹐第一﹐我從來都未收過Mr.RST既e-mail；第二﹐subject係”yr fans”﹖我未打開e-mail之前仲以為佢同我邊位朋友合照完send比番我﹐誰不知…因為mail box裡面既附圖係有preview功能﹐所以我一開e-mail真係笑死﹐雖然唔係合照但果然係相﹐仲有兩張﹐可見我呢位朋友非常留意身邊事物同非常有我心﹐哈哈~但呢位婆婆很不幸﹐慘遭涉案青年未經同意之下偷拍﹐拍佢既隨身物手袋上個兩粒少少既英文字母(請見圖一及二)﹐唔知Mr.RST有無幫我問一問位婆婆佢用緊呢個咁靚既袋係邊度買呢﹐如果知﹐我都想買一個﹐而兩張相真係立即要同大家分享。除Mr.RST之外﹐Mr.Katol同Mr.Nayz都幫我影過類似既相(請見圖三及四)﹐認真唔該晒﹐當然我自己都有留意亦都影低好幾張﹐不過遲少少我會整個collection再同大家分享﹐分享一個自戀狂既相簿…~ 圖一 圖二 foto by Mr.RST 圖三 foto by Mr.Katol 圖四 foto by Mr.Nayz

Dan Brown似乎仲未減退﹐早排《Da Vinci Code》既香港的確帶起一陣讀書潮﹐我都唔執輸﹐個陣都一於達文西一番。奈何當時只有一本《達文西密碼》既繁體中譯本﹐所以讀完就只有等﹐讀完《達文西密碼》既幾個月之後﹐係Ms.Geri既口中得知《數字堡壘(Digital Fortress)》既簡體中譯本都已經係書局有得賣﹐我再次唔執輸﹐但簡體令我苦惱﹐加上內容平平﹐所以我記得用個幾禮拜先讀得晒﹐但係講價錢﹐繁同簡真係相距一大截。今日經過書局見到《天使與魔鬼(Angels & Demons)》都有簡體版賣喇﹐都只不過盛惠$29.8﹐簡體字都唔理﹐買番去先算。 適逢其會﹐今晚明珠將會播《The Real Da Vinci Code(破解達文西密碼)》﹐不過睇完得個桔。

發現了多一個都幾好玩的search engine「amaztype」，係sreach amazon入面既書名、音樂同video名，sreach完會幫您整個flash既montage圖，跟住click入細圖每張相都有info，price之類，唔係齋玩，不過sreach既字完有限，只有16個。以下我試sreach了”CHEMICAL BROTHER”。

早幾日一口氣配了兩副新眼鏡﹐其實想配好耐﹐一來發覺散光勁了深了﹐二來之前個框爛了。但係一路都未揀到合心水既框﹐因為唔太慣係眼鏡舖入面坐係度左試右試﹐試到人地一檯都係﹐但揀唔到呀﹐吹脹。再係配眼鏡既早一兩日﹐係朋友個朋友間舖揀到兩副又平又靚既膠框﹐諗三秒好喇﹐之後比錢。第一眼見到自己帶起睇落順超就唔好再揀其他﹐盞越多心越亂。但係而家驗眼實在太快喇，八達通咁，放個頭上去個斷頭台度”DO”兩”DO”，咁就搞掂。記得以前細個第一次配眼鏡，要望住張poster，睇住幾廿個E字，係咁問你上下左右，呢個清唔清，個個清唔清，載住個鐵框，一塊一塊鏡片慢慢換，好過癮。上圖：肥姐 a.k.a.沈殿霞version.下圖：德尊老師version.

好長既戲名，仲要好少數地完全直譯一個中文名過來，單睇戲名真係完全唔吸引，仲有少少似鬼片戲名feel…當呢套戲一上，立刻見到好多書局成set小說連pops棟係門口，無深入查證唔知反應係點，不過應該都唔會好似Harry Potter咁勁。未睇之前仲以為個主角叫Lemony Snicket，原來唔係，佢係「周慕雲」，負責寫同講呢一連串不幸事件。不過成個故事真係完全集中係不幸事件，有關個單殺人縱火案講幾句就算，搞到成齣戲好似一part一part咁做，基本上將幾件不幸事件掉亂做一次都仲得。依然焦點都放係Jim Carrey度，因為三位小演員真係好似無咩位可以發揮演技，當然位BB演員唔吃力都討好，但我個院既觀眾唔洗咁誇呀，個BB每次出鏡都會有人：「呀~好得意呀~」、「呀~好cute呀~」，我知喇，唔該！仲有兩位大「茄喱啡」Dustin Hoffman同Meryl Streep，真係估佢唔到。 <The Monster(美麗女狼)> 將會於四月七日上映，留意，不過唔留意都留意成年啦，唔好上丫笨~

依家個個網站都好似會提供免費blog咁﹐尋日開friendster﹐佢地又整個friendster blogs﹐不過開完friendster blogs試過入面個control panel﹐好似唔太好用﹐可能仲係BETA版既關係﹐不過我諗我短期內都唔會再轉﹐一字記之曰﹕「懶/煩。」不過係friends list已經見到有幾個朋友用緊friendster blogs﹐加油啊(記得link我啊)~ 不過免費野始終都係免費野﹐唔會十全十美﹐依家update blog個陣成日都虧虧地﹐如果blogger死我都死﹐因blogger無得back-up。

Spell “ksone “with flickr 雖然我無用flickr﹐但無意之中比我見到呢個「Words from flickr」既網頁﹐打字入去﹐佢會幫您sreach晒flickr入面係字元既圖片﹐以上係我試玩既一串﹐各位亦可以用flickr代打情書、恐嚇信之類﹐想玩collage都幾方便﹐不過無試過中文字﹐所以唔知得唔得。

認真令人懷念﹐去啦﹐地平線﹗3360日圓﹐五架車既Boxset﹐um…um…其實都懷念得過~

Daft Punk新一張大鍱終於係昨日推出﹐本來係H記見到先﹐但標價$110﹐唔抵﹐見仲有半粒鐘﹐即刻同Ms.Redy仆落信和買隻$82既﹐同一個版本無理由唔買隻平架。講番隻鍱﹐唉…幣喇﹐唔通Daft Punk都唔掂﹖已經唔係多產組合﹐九七年至今只有三隻大鍱﹐但今次隻鍱聽落個感覺真係有少少大不如前﹐欠缺一向既連貫性﹐好似著重係樂器方面﹐而忽略佢地其中一首歌名所講既Technologic﹐以上純個人以fans角度出發﹐可能James今次請錯Daft Punk係佢屋企玩﹐又可能係我自己冀望過高。又或者佢地今次個大鍱名已經講比大家聽Daft Punk會係點﹐不過唔應該係Human﹐應該係<Robot After All>(?)。 u can download the daft punk desktop tv rite here : http://www.human-after-all.tvoffical site… more →

HONG KONGmarker and ink on paper,ks(c) 2005 TONG – GOD CAN’T SAVEnewspaper collage on paper,ks(c)2005 **董建華宣布辭職後的一天。

單看戲名真係好難叫人入戲院﹐無咩宣傳加埋張poster﹐難聽少少講句﹕「又一部港產低能喜劇。」定係「《神鵰俠侶》現代搞笑版呀﹖」但原來喜劇背後都可以帶出其他意思﹐都笑得有紋有路架。阮世生呢個名唔知係我少留意定真係少係電影圈出現﹐《金枝玉葉》之後都好似未接觸過佢既作品﹐加埋爾冬陞﹐都幾驚喜呀。相信住灣仔區朋友對呢套戲一定好有親切感。但結尾有少許鬆散﹐想用幾條支線帶出唔同既人生觀﹐不過最後好似去路番原點做結局咁﹐好鍾意吳鎮宇呢種角色﹐一時傻一時又好似好正常﹐好夾個名裡”神經”二字﹐做人有時都會咁﹐可能您自己幾時傻仔過都唔知。真係覺得呢套戲有少少唔抵﹐點解咁少宣傳﹐加上映期都唔夠一個禮拜﹐慘~ 網頁 : http://www.u333.com/films/crazynthecity

it was a great nite, first time to do a big canvas work with other people also first time to… more →

i can pass level 14 only, when after u play this game…do u feel ur mouse and ur hand will… more →

who wanna spoke something too?**thz Ms.Toto’s fd and foto by Ms.Toto’s fd.

等我都寫一寫呢本漫畫先﹐《Death Note(死亡筆記)》。 好 唔容易先係朋友度借到呢套漫畫﹐借之前起碼有五至六位朋友向我推介過呢本漫畫 ﹐講到點好點正法﹐好似真係好吸引﹐但一日未到手都唔知。直至經過尋日一個 lunch完成頭三話之後﹐心諗 : 「果然無介紹錯﹗」。內容唔係度講﹐相信好多人都知﹐唔知既我係呢度講大家咪無癮。但好似故事發展得咁快咁既﹖ 有網上消息話呢套漫畫將會完結﹐但唔係就咁就完﹐會發展一個類似二部曲既故事﹐唔知會唔會係「前傳」﹐因為依家咁興「前傳熱」﹐定係會寫一個完全同死亡相反既題材﹐用生存做主題﹐不過估住先﹐呢套都未完。 之前電視播過《棋魂》﹐但無咩留意﹐因為本人對圍棋并無興趣﹐不過留意到Takeshi Obata既畫功真係甚佳。

睇完無咩特別感覺，對我?講只係一套普通既愛情電影，有好多「催淚」位置，但有少少張艾嘉既味道。值得一題係兩位少年版既朔太郎同亞紀既戲真係好好，令人睇到初戀個感覺，睇得好舒服。

Athlete 第二張大鍱﹐但相比之前既作品﹐我比較喜歡舊作﹐今次入面既歌好似有種千篇一律既感覺﹐尤其新鍱裡面既慢版曲目﹐雖然acoustic作品有少少招牌貨添食之嫌﹐但都不失為奇，但係今次電子音樂方面比上一次少，唔知會唔會係想走番一條純indei rock band既路線，但我個人認為咁先至有新鮮感(雖然唔係唯一賣點)。希望佢地將來會有機會同其他artists合作﹐好似Super Furry Animals同The Flaming Lips咁﹐出去試新野可能帶到新驚喜比樂迷(我？)。

marker and ink “Renton” on paper,ks(c) 2005

My 2005 year calender…nude is kool, haha~

終於都睇到呢套Oscar得獎動畫，真係好正，點諗到依家既電腦動畫會靚到咁既地步，比起以前<夢城兔福星>、<Space Jam>等等，真係進步得大快，跟住<Toys Story>、<A Bug’s Life>、<Monsters, Inc.>、<Shrek>、<Final Fantasy: The Spirits Within>唔好理邊間公司，大家都「要嬴人先要嬴自己」。如果大家有留意，<The Incredibles>入面既texture做得好逼真，樹林、水、沙石、冰雪、濕頭髮等等。 **好鍾意葛生幫個位靚女配音，同講解斗蓬既壞處。

kool﹐Charlie Kurfman既《Eternal Sunshine of the Spotless Mind(無痛失戀)》得獎~反而大熱既《The Aviator(娛樂大亨)》就得四個獎﹐唔知星爺係香港會唔會大熱倒灶呢﹖ 最佳電影 – 《擊情》Million Dollar Baby 最佳導演 – 奇連伊士活Clint Eastwood《擊情》Million Dollar Baby 最佳男主角… more →

ks stencil @ central.

here just post some fotos i taken yesterday, but em not go to all studio…so i just foto at my… more →

added a flash cat program at the side bar, now i feed a cat at home and feed a cat… more →

在新聞組見到呢張圖﹐不知期數亦不知年份﹐只看到標題 ——「老土」。我屋企都有幾本老夫子﹐期數唔多但裡面都有相同既故事﹐有時都覺得幾唔抵﹐不過無­計﹐有時裡面既故仔都幾到幾搞笑﹐記得早幾年徐克都拍過一套真人加CG既「老夫子」﹐自覺不堪入目。現今眾多美少女至愛既「V字」手勢﹐原來老夫子同大蕃薯都有解構過﹐如有興趣請參考以上圖片﹐可能您會發現「潮流」係上一輩既定義係咩﹗

play hard,wor.ks.1.ow!

hong kong stencil collection.@ Yumla bar, Central

LEFT to RIGHT : ks, start from zero, katolget your “post” high.

通常漫畫改編既我大部份都會捧場，呢套都唔例外，由DC Comic既<Hellblazer>改編，雖然我未睇過原著，但入場之前硬係覺得呢套會應該幾吸引幾好睇，點知… 一開場，一位型佬版既驅魔人，之後就係一浪接一浪既食煙鏡頭，故事都幾好睇，可能係鏡頭上特技既搭夠，但係入面牽涉到神學、宗教問題，未完全了解。但係有幾個位KEANU REEVES好似拍<Matrix>咁，成套戲基本上係佢由頭帶到尾，無配角一樣，唯一令到成套戲失色既就係佢隻中指。 康斯旦丁：「吸煙危害健康。」 另外之前既<The Incredibles>都仲未有時候睇，但佢既元祖卡通<Fantastic Four>2005年就會上畫，希望可以見到Dr.Doom，正！

ks and c#,foto by c#

Dear All, The t shirts are out and we are selling them at $100 HKD Please reply to this message… more →

LEFT to RIGHT : katol, ks, otoss, start from zero, fusion hong kong writers’ hotline, call us n’ make beautiful… more →

一日去了三個gallery，但沒有甚大既收穫。1)藝穗會；一個神學畫展“WRITTEN THEOLOGY”，本身對宗教畫無太深認識，只係行過順便入去逛一逛。2)Anges b.’s gallery；“TRAUMAVISION”，一位法國恐怖大師Pierre la Police，上層大不過A4 size的真跡有很多，下層亦只有差不多十張color copy同播放一些很lo-fi的恐怖電影，未覺恐怖但很好笑，雖然看起來好笑，但呢幾種lo-fi的技術都源用至今。看完這個exhibition總令我覺得「天下文章」，又令我想起另一位恐怖見稱的漫畫大師?圖雄一。3)FABRICA FEATURES HONG KONG；“LIVE IN A BOX”，雷聲大雨點小，很失望。完。

經過辰衝，因為之前TASCHEN有本Keith Haring既新書未買，所以順便入去打陣書釘，咁就可以「磨」成粒鐘。講番本書，比起係買「第一頁」平成四十大元，呢個series既書買埋今日呢本，而家總共有八本係屋企，雖然未必睇得晒，但當係keep番相既reference都抵。 話就話K.Haring係我一個好鍾意既artist，但係佢既書都係第二次買，因為其他真係好貴，鍾意K.Haring真係說來話長，要由中一、二開始講起，所以呢度費事打咁多字。真係又會咁橋，原來K.Haring係1990年2月16日病逝。 之前係學校我都有一set用K.Haring做reference既功課，有興趣可到相簿瀏覽。 “My contribution to the world is my ability to draw. I will draw as much as… more →

watch out, more “my little spokesman” will be coming soon…now check some fotos in my album first!

因放假前我們A&D部門已經同marketing部門的同事約好今天回來處理部份工作﹐但實則只是回來看看e-mail(工事以及非工事)﹐收拾一下檯上同房間的雜物(私人以及非私人)﹐同埋「吹水」就係今日主要既工作。但唔知點解今日連MIS，Admin既同事都有返工，不過我相信各同事都好難收拾放假既心情﹐因為通常一放假個生理時鐘就會自動由AM改為PM﹐就算大埔同火炭只間隔四個站都立刻變到有時差一樣。今日「試工」完畢都仲有五日假﹐要好好利用﹐一年只得一次。都應該唔係好多人開緊工﹐今朝火車都無咩人搭﹐點解咁多人聽到我話放到「十三」都係得一個反應﹐「嘩~~~」。 **PS. 估唔到未有開工利是都有幾封「試工利是」收﹐哈＄哈＄。

happy valentine’s day of everyone.I HEART YOU. share the love mix media on canvas,8″ x 10″(each)ks(c)2005

早幾日初三睇<Rose Red>未寫，今日補番。 之前係明珠台播過，但只係「望」過一兩集。今次睇VCD版差少少頂唔順，一口氣睇四隻鍱總共二百五十幾分鐘真係唔係易事，馬拉松一樣。故事背景既大屋由真人真事改編，一經改過之後，感覺怪怪地，有點像一齣卡通片既感覺，裡面既Joyce就好似一位隊長，要集合五位戰士組成戰隊打怪獸一樣。現在的導演好像只求畫面上的震撼，不求心靈上的衝擊。 選擇Stephen King既電視劇，現在播影中既<Kingdom Hospital>比較吸引，佢既第一位電影當然係<The Shining>，第二係<Thinner>，第三位唔係驚嚇片種<The Green Mile>。 p.s. 鳴謝Ms.Geri提供影鍱。