之前係戲院無時間去睇，以為無機會，點知會出鍱。七個日本導演，每人十五分鐘，好公平。七個之中只睇過兩位既戲，其餘全部都唔識。岩井既”ARITA”係我睇過佢既戲題材係比較「過癮」既一套，比起佢其他既戲，今次真係好特別，但係ending令我覺得同幾”All About Lily Chou-Chou”相似，咁當然無咁「灰」啦。另外篠原既「劍玉」同望月既「Pandora – Hong Kong Leg」係我比較喜歡既兩套。由一個日本導演去拍「香港腳」呢個topic實在又諷刺又太夾喇？
香港人果然快過人，咩風都可以跟一大輪，對「死人財」一向都好在行，邊個明星死都可以即刻係倉底搵番大量某明星既存貨，或者發行商將一大堆舊歌掉亂再掉亂，然後出十個或以上既版本，一邊懷念，一邊加價承機搵一筆，而家「動物財」都唔放過，早前「小Q熱」持續到今日我買鍱既時候發現<神犬拉茜>連續劇既VCD，真係少少商機都唔放過。