- 手提電話要幾細有幾細，功能一樣要咩有咩，偏偏人人溝通有問題，跳樓斬人燒灰由此起。核突MP3流行曲和弦鈴聲大拆天，自己有無miss call唔緊要，最緊要比其他人聽到個鈴聲。
- 手提電玩機主，行路小心仆親及短期內嚴重弱視。情況同上，大部分機主經已失聰，一係就唔知有樣叫耳筒既產品，本人都享受打機樂趣，諷刺的是經常係火車設置靜音車箱遇到撞聾機迷。
- 香港人真係好鬼團結，好「集體」，又驚第時提起集體回憶自己無份，不在「集體」其中，所以依家一街「紅色黃色一九八幾」，車欠石更果真製造一大批車欠石更制服，係「我憎人富貴厭人貧」，加上當麥記都著RMC既時候我真係唔抵得。
- 動漫節可見，毒男會員顯然有增無減。政府話建議生三件，咁家計會應該從各大「美女模特兒」出沒處入手，增加溝女機會。妳地cosplay咩都唔打緊，最緊要多肉少布，但仲未見有人扮G-taste，失敗！
- 先旨聲明，以下內容並沒有歧視成份，只不過依我所見，我遇到呢個情況都發生係女士身上居多。相信全香港，幾乎無人無「八達通」呢樣野，男士通常都會將張八達通放係恤衫袋，或者放係銀包袋係褲袋，但係女士可能就好少會將咁大舊野袋係身，況且都未必袋得到，所以手袋既功用就係呢個時候發揮喇，化妝袋披肩銀包散紙包手機等等都可以係個手袋裡面一家團聚，當然連八達通都唔會例外，同時問題就係手袋同八達通之間發生，而幾乎搭每樣交通工具都會遇上這種事。當大家走過八達通機既時候耐唔耐會突然停一停，繼而就會見到有人拎住個手袋係個八達通機面磿?磿?，時運高的話磿多幾磿之後繼續行，時運低既話…
- 八月八日八點，記得熄燈。
不過之前地獄個邊話膠袋日張海報，今次熄燈日一樣犯上同樣錯誤，完全有違環保原則，仲要貼通街，佢地無睇《鬼域》咩，七月喇，小心廢紙鬼呀！
0個個火車”靜音車廂”從來都好似唔靜，都唔知整黎做乜!
成架火車0個0的電視聲仲要大到聾ge都聽到…-_-
但係當您想聽有單新聞既時候，佢就會有廣播或者埋站無啦啦mute左…好頂癮！
咦~~你都開始有不滿喎哥仔~~~
其實我唔太支持熄燈行動，因為實際作用不大；唔似無膠袋日咁，用少一個就係一個。既然佢收五毫子一個，點解電果方面唔照辨煮碗？香港人冇野緊張，最緊張係自己戶口入面d錢，係要加電費佢地先識驚。
不滿就耐唔屎都有架喇，不過有時mark底前就唔記得左，咁?有D時間咪抄你list out出黎囉。
都唔係既，其實睇番個用意都係一樣，不過我覺得膠袋日淨係朝早8至10無膠袋，不如全日啦。同埋，其實熄燈之餘熄埋冷氣先?。講真，香港人環保意譯始終低低地。
遲?再繼…