挑！

*以下感想為配合電影而加入「富本地色彩之助語詞」，敬請留意。

電台廣告說這齣電影發現女人驚世秘密，是甚麼？
神在這裡顯現了神跡，紅海化成女性兩腳之間，逃不出埃及軍隊之餘，自己還淹沒其中。

如果原文的《出埃及記》有帶領含意的話，我相信現代的《出》都做到了。廣管局亦明白時移世易，首度開放粗言穢語而定為2B級，令更多觀眾能親親真正本地文化精粹。而我則在影院內發現另一秘密，就係香港人既態度原來好撚樂觀同開放，佢地係戲院入面聽「粗口」聽得幾撚開心呀，唔講真係以為睇緊賀歲片，不過能夠帶畀觀眾咁鳩多歡樂應該都係意料之外。但係戲院入面既觀眾可以連三十五蚊都慳番，落到西洋菜街，乜野戇鳩笨柒幪撚都有齊，成打器官掛晒係個嘴度任君選擇。始於畀錢睇戲梗係要盡慶，張家輝個角色應該唔好淨係口講，直頭兜口兜面打埋個飛機，咁就拍撚爛手掌嗌抵喇。

相反家庭觀眾既接受能力就底好多喇，發哥係《秋天的童話》同《美女廚房》劏魚都畀人投訴既時候，我真係覺得呢度道德淪亡兼反智。《港男》無人投訴又唔出奇喎，因為班評判同家庭觀眾心內面都可能講緊溫碧霞句對白，「…我啦！」。

耶和華下一步要安排甚麼？
不如老師先安排本片於校內播放，先教通識，後話保育啦。